Elleville oljeforslag frå FrP
Denne veka la Framstegspartiet fram to representantforslag på Stortinget som garantert kjem til å bli mykje debattert denne våren. Det eine forslaget handlar om «det neste oljeeventyret på norsk sokkel» – og inkluderer i alt 27 forslag for auka produksjon.
I det andre forslaget ber FrP regjeringa om å leggje fram ein heilskapleg analyse av «de samfunnsøkonomiske kostnadene av at Norge skal redusere klimagassutslippene med 70 prosent fra 1990-nivå innen 2035».
Klimax-panelet er også innom spørsmålet om kven som skal leie Omstillingskommisjonen, og EUs nettpakke, som fleire norske politikarar har rykka ut mot denne veka. Blir dette den neste «ACER»-debatten i norsk politikk?
Og som alltid vert vekas antiklimax og klimax kåra.
Episoden blei spelt inn torsdag 19. mars. Dei som deltok, var:
- Anne Karin Sæther, prosjektleiar i Norsk klimastiftelse
- Lars Holger Ursin, ansvarleg for forskingsformidling i Norsk klimastiftelse
- Lars-Henrik Paarup Michelsen, dagleg leiar i Norsk klimastiftelse
Lenker til saker som vert omtalte i episoden:
- Det neste oljeeventyret på norsk sokkel (Dok. 8:175 S, 2025–2026)
- Kostnadsberekningar for å nå Noregs klimamål (Dok. 8:174 S, 2025–2026)
- Brev fra energiminister Terje Aasland til EU-kommisær Dan Jørgensen om EUs nettpakke (Regjeringen.no, 16.3.2026)
- Rødt-nestleder ber Aasland følge Sverige mot EUs nettpakke (TU, 17.3.2026)


