Ny studie: Europas elbilproduksjon vil mangedoblast innan eit par år
Rundt 8000 personer arbeider ved Volkswagens bilfabrikk i Zwickau. Her vert også den nye elbilen ID.3 produsert. Foto:
I nyheitene akkurat no:
I denne utgåva av #Elektrisktransport har eg vald ut desse sakene:
Europas bilindustri lausnar handbremsa
Nyheita:Produksjonen av elbilar i Europa står ikkje i stil med etterspurnaden i marknaden, men i innan eit par år vil dette endre seg. Frå eit nivå godt under 300 000 elbilar i 2019 vil Europas elbilproduksjon passere 1 million køyretøy i 2022 og over 2 millionar i 2025, skriv Chemnitz Automotive Institute (CATI) i ein ny studie.
Bakgrunn:Tingar du ein elbil i dag, må du vere førebudd på lang leveringstid. I 2020 kan dette delvis forklarast med Covid-19 som har ramma bilproduksjonen hardt fleire stadar, men mest av alt er det eit resultat av etablerte bilprodusentar som altfor lenge har nølt med å vri porteføljen sin, med dertil tilhøyrande produksjonskapasitet, frå fossile til elektriske bilar. Forskarane ved CATI karakteriserer situasjonen i den europeiske bilmarknaden som ein elektrifiserings-boom «med handbremsa på».
Rapporten «Electric mobility defies the automotive crisis. Developments in Europe 2020–2025» tek for seg utviklinga av produksjonsvolum og -lokasjonar for elektriske bilar i Europa fram mot midten av 2020-talet. Konklusjonen er at vi vil sjå store endringar allereie om eit par år:
Tyskland blir Europas «hotspot» for elbilproduksjon. Her ventar forskarane at produksjonen av elbilar vil åttedoble seg kvart einaste år i perioden 2019-2022. I 2025 vil en av fire tyskproduserte bilar vere ein heilelektrisk bil. Dei største bilfabrikkane i Tyskland – og dermed også i Europa - vil vere Vollkswagens anlegg i Zwickau og Teslas anlegg i Grünheide utenfor Berlin.
Det store biletet:Omlegginga som no skjer i europeisk bilindustri heng nøye saman med politiske reguleringar. Ifølgje låg CO₂-utsleppet frå ein nyregistrert bil i Europa i 2019 i snitt på 122,4 gram/km. Det var meir enn året før og langt under EU-kravet om 95 gram/km som blir gjeldande i 2020/21. Bilindustrien må difor få fart på elbilsalet for å innfri det nye utsleppskravet – og med det unngå bøter. Samtidig tener ikkje bilindustrien på å gå for fort fram. Ein av Europas leiande biljournalistar, tyske Christoph M. Schwarzer, problematiserte nettopp dette i ein artikkel i tidlegare i år: Bilprodusentar må selje nok elbilar til at utsleppsmålet for 2020/21 blir nådd, men dei har ingen interesse av å overoppfylle målet. Forklaringa på det er at utsleppsnivået i 2020/21 også dannar grunnlag for utsleppskravet som bilindustrien må innfri i 2030 (for tida 37,5 prosent). Meir om denne problemstillinga kan lesast i med m.a. Michael Liebreich.
