Regjeringa problematiserer eigen biodrivstoffpolitikk

MÅ PASSE PÅ: I statsbudsjettet for 2024 foreslår regjeringen å øke innblandingen av biodrivstoff jevnt og trutt frem mot 2030. Formålet er å ta ned trafikkutslippene, men tiltaket er ikke ukontroversielt, skriver regjeringen selv i budsjettdokumentene. Foto: Susana Vera/Reuters/NTB
Transportsektoren står for ein tredel av norske klimagassutslepp. Tiltaket som gir dei raskaste utsleppskutta i Noreg, er å auke omsetjingskravet for biodrivstoff. Derfor er det ingen overrasking at det er nettopp det regjeringa gjer i statsbudsjettet for 2024.
Omsetjingskravet for biodrivstoff til vegtrafikk vert foreslått auka frå 17 til 19 prosent. Det betyr at 19 prosent av det omsette drivstoffet som går til vegtrafikk, skal vere biodrivstoff. Av den totale mengda biodrivstoff som blir omsett, må 12,5 prosent vere avansert biodrivstoff. Dette delkravet er uendra frå 2023.
Omsetjingskravet for biodrivstoff til ikkje-veggåande maskiner (gravemaskinar o.l.) og sjøfart/fiske blir i 2024 vidareført på høvesvis 10 og 6 prosent.
Det som derimot er nytt, er at regjeringa i budsjettframlegget sendar eit signal til marknaden om at omsetjingskrava til vegtrafikk, ikkje-veggåande maskiner og sjøfart/fiske skal vidare opp. Fram mot 2030 er ambisjonen at krava skal aukast til høvesvis 33, 28 og 18 prosent.
Innfører ny kontrollmekanisme for biodrivstoffpolitikken
Samtidig som regjeringa foreslår meir biodrivstoff for å nå klimamåla, kjem dei med tydelege åtvaringar:
Mange land ligg an til å auke bruken av biodrivstoff betrakteleg fram mot 2030 og 2050, og det er uklart om global produksjon vil vere i stand til å levere i tråd med aukande global etterspurnad. Særleg avansert biodrivstoff er ein knapp ressurs, og tilgangen framover vil vere avgrensa. Det er difor viktig å kunne vege behovet for meir biodrivstoff for å oppnå utsleppskutt opp mot pris, global tilgang og berekraftseigenskapane til biodrivstoffet.
Regjeringa i statsbudsjett for 2024
Mange land ligg an til å auke bruken av biodrivstoff betrakteleg fram mot 2030 og 2050, og det er uklart om global produksjon vil vere i stand til å levere i tråd med aukande global etterspurnad. Særleg avansert biodrivstoff er ein knapp ressurs, og tilgangen framover vil vere avgrensa. Det er difor viktig å kunne vege behovet for meir biodrivstoff for å oppnå utsleppskutt opp mot pris, global tilgang og berekraftseigenskapane til biodrivstoffet.